29–31 may kunlari

29-31-may kunlari CAEx Uzbekistan hududida mamlakatdagi eng yirik avtomobil festivali

Tadbir holati: Tayyorgarlik

MFEST 2026 - avtofestival

29–31-may kunlari CAEx Uzbekistan hududida mamlakatdagi eng yirik avtomobil festivali — MFEST 2026 bo‘lib o‘tadi. Festivalning asosiy voqealaridan biri CADS bilan hamkorlikda tashkil etilayotgan Markaziy Osiyo Drift Kubogi bo‘ladi.

Musobaqada Yaponiya, Yevropa, MDH mamlakatlari va Markaziy Osiyodan 15 nafardan ortiq professional pilotlar ishtirok etadi. Trekka quvvati 500 dan 1100 ot kuchigacha bo‘lgan drift bolidlari chiqadi.

29-may kuni saralash bahslari o‘tkaziladi va ularning yakuniga ko‘ra eng kuchli 32 nafar ishtirokchi aniqlanadi. 30-may kuni tomoshabinlarni asosiy juftlik bahslari hamda chempionat finali kutmoqda. 31-may kuni esa taqdirlash marosimi va Matsuri bo‘lib o‘tadi.

Driftdan tashqari, festival mehmonlari 150 dan ortiq noyob avtomobillarni ko‘rishlari mumkin bo‘ladi. Ularning ko‘pchiligi ilk bor O‘zbekistonda namoyish etiladi. Ko‘rgazma zonasida, shuningdek, dunyoga mashhur tyuning atelyelari ham ishtirok etadi.

MFEST 2026 mehmonlarini mavzuli zonalar, shou-dastur, avtomobil ekspozitsiyalari va xalqaro motor-shou muhiti kutmoqda.

Tadbir Toshkentdagi CAEx Uzbekistan maydonida bo‘lib o‘tadi. Chiptalarni iticket.uz sayti orqali xarid qilish mumkin.