CAEx Food & HoReCa 2027 ko’rgazmasiga tayyorgarlik doirasida CAEx sohaviy hamkorliklarni kengaytirmoqda

Oziq-ovqat sanoatida professional hamkorlikni rivojlantirish va soha vakillari uchun yangi imkoniyatlarni kengaytirish Central Asian Expo Uzbekistan (CAEx) hamda O’zbekiston Oziq-ovqat sanoati uyushmasi o’rtasidagi hamkorlikning asosiy yo’nalishlaridan biri bo’ladi.

2026-yil 12-avgust kuni tomonlar Toshkent shahrida 2027-yil 4–6-fevral kunlari bo’lib o’tadigan 3-xalqaro CAEx Food & HoReCa ko’rgazmasiga tayyorgarlik doirasida o’zaro hamkorlik to’g’risidagi Memorandumni imzoladilar.

Hamkorlik CAEx Food & HoReCa ko’rgazmasining xalqaro professional platforma sifatidagi imkoniyatlarini Uyushmaning sohaviy ekspertizasi bilan birlashtiradi. Hamkorlik yo’nalishlaridan biri oziq-ovqat mahsulotlarini xarid qilish va O’zbekiston oziq-ovqat sanoati korxonalari bilan bevosita shartnomaviy munosabatlar o’rnatishga qiziqish bildirayotgan yaqin xorijiy davlatlardan maqsadli bayyerlarni birgalikda jalb etishdan iborat bo’ladi.

Ko’rgazmada mazmunli biznes va professional muhitni shakllantirishga alohida e’tibor qaratiladi. Ixtisoslashgan tashkilotlar va kompaniyalarning ishtiroki oziq-ovqat sanoatining dolzarb yo’nalishlarini namoyish etish, ishlab chiqaruvchilar va bozorning boshqa ishtirokchilarini birlashtirish, shuningdek, yangi biznes aloqalarini o’rnatish uchun qo’shimcha imkoniyatlar yaratishga xizmat qiladi.

CAEx Food & HoReCa oziq-ovqat sektori va mehmondo’stlik industriyasini birlashtiradi. Shu bois tegishli tarmoq tashkilotlari bilan hamkorlik ko’rgazmaga tayyorgarlikning muhim qismidir. Oziq-ovqat sanoati uyushmasi bilan hamkorlik tadbirning tarmoq yo’nalishini kuchaytirish va platformani professional bozor ishtirokchilari uchun yanada foydali qilish imkonini beradi.

Memorandumning imzolanishi CAEx Food & HoReCa 2027 atrofida hamkorlik ekotizimini shakllantirish va ko’rgazmaga oziq-ovqat sanoatining asosiy vakillarini jalb etish bo’yicha CAEx ishlarining davomidir.